12 de decembro: Día Internacional da Cobertura Sanitaria Universal

IES CHAMOSO LAMAS

O 12 de decembro celébrase o Día Internacional da Cobertura Sanitaria Universal proclamado pola ONU en 2017. Xa en decembro de 2012 a Asemblea Xeral de Nacións Unidas aprobou unha resolución para incentivar aos países para tomar medidas para avanzar cara á cobertura sanitaria universal, un panorama no que calquera persoa de calquera lugar debería ter acceso a unha sanidade de calidade e alcanzable.

A celebración deste Día Internacional da Cobertura Sanitaria Universal ten como obxectivo concienciar sobre a importancia de que exista unha cobertura sanitaria universal, e sistemas de saúde sólidos e autosuficientes. E iso implica varios requisitos:

HIPER MASIDE

É importante que as persoas teñan preto e accesibles centros de saúde e hospitais aos que poidan acudir #ante calquera problema ou síntoma.
Que nos centros de saúde e nos hospitais existan profesionais da saúde suficientes que poidan encargarse da demanda que lles chega cuns horarios e condicións de traballo dignos.
Que as persoas poidan acceder aos medicamentos que necesiten para sandar ou curar as enfermidades.

o 12 de decembro tamén se celebra

 Día Internacional da Radio e a Televisión a favor da Infancia

– Día Internacional da Neutralidad

Facer Clic nas IMAXES

7 de decembro: Día Internacional da Aviación Civil Internacional

9 de decembro: Día Internacional para a Conmemoración e Dignificación das Vítimas do Crime de Xenocidio e para a Prevención dese Crime

10 de decembro: Día dos Dereitos Humanos

11 de decembro: Día Internacional das Montañas

12 de decembro: Día Internacional da Cobertura Sanitaria Universal

Máis información en :

https://www.diainternacionalde.com/mes/decembro

BOLETINS OFICIAIS : Información de interes :

PREMER NA IMAXE

clic na imaxe

EFEMÉRIDES DE NACEMENTOS

7 de decembro 1905
No municipio neerlandés de Harenkarspel nace Gerard Peter Kuiper que en 1937 nacionalizarase estadounidense. Ideará un modelo de formación planetaria baseado na condensación do po interestelar. Descubrirá a atmosfera de Titán e demostrará a existencia de dióxido de carbono na atmosfera de Marte. Nos anos sesenta do século XX logrará fama mundial por suxerir a existencia dun cinto de material cometario remanente da formación do sistema solar, confirmado desde 1991 e coñecido na actualidade como cinto de Kuiper. Morrerá en 1973 en México. (Hai 114 anos)
8 de decembro
1866
Na localidade de Guanajuato (México), nace Diego Rivera, pintor muralista mexicano, pertencente á corrente do realismo, e recoñecido comunista. casará coa tamén pintora Frida Kahlo, con quen manterá unha axitada relación sentimental. (Hai 133 anos)
9 de decembro
1842
No seo dunha familia aristocrática nace en Moscova (Rusia), Piotr Alekséyevich Kropotkin, que será xeógrafo e naturalista e pensador político. Considéraselle un dos principais teóricos do movemento anarquista. (Hai 177 anos)
10 de decembro
1815
Nace en Londres (Reino Unido), Agusta Ada Byron, filla do poeta Lord Byron e por matrimonio Condesa de Lovelace. Será máis coñecida como Ada Lovelace e converterase nunha brillante matemática que desenvolverá a programación como unha manipulación de símbolos de acordo a unhas normas para que unha máquina sexa capaz de seguir unhas instrucións, nunha temperá versión do computador programable. En 1979, crearase a linguaxe de programación ADA que leva este nome na súa honra. (Hai 204 anos)
11 de decembro
1843
En Clausthal- Zellerfeld, Prusia (actual Alemaña), nace Heinrich Robert Koch, médico alemán que descubrirá o bacilo da tuberculose e o do cólera, Premio Nobel de Medicina en 1905. (Hai 176 anos)
12 de decembro
1927
Nace en Burlington (EE. UU.) Robert Noyce, científico que en 1958 será un dos inventores do microchip ou circuíto integrado que revolucionará a industria electrónica sendo este descubrimento a orixe do comezo dunha era de alta tecnoloxía. (Hai 92 anos)
13 de decembro
1553
Na cidade francesa de Pau, nace Enrique de Borbón, que será rei de Navarra co nome de Enrique III entre 1572 e 1610, e rei de Francia como Enrique IV entre 1589 e 1610, primeiro da casa de Borbón. Moitos franceses considerarán que é o mellor monarca que gobernou o seu país. (Hai 466 anos)

EFEMÉRIDES DE OBITUARIOS

7 de decembro 43 a.c
É executado acusado de ser inimigo do Estado de Roma, Marco Tulio Cicerón, escritor, político e orador romano. Cunha carreira política máis que notable, Cicerón foi coñecido como orador e home de letras que escribiu distintos diálogos sobre temas diversos. Fixo unha breve carreira militar e exerceu tres anos como avogado defendendo a cidadáns privados. Co propósito de continuar a súa formación e estudos, viaxou a Grecia e Asia. No 77 a. C. regresou a Roma e comezou a súa brillante carreira política onde, no 74 a. C., resultou elixido membro do Senado. (Hai 2062 anos)0
8 de decembro
1980
En Nova York (EE. UU.), John Lennon volve paseando ao seu apartamento do Edificio Dakota, acompañado da súa esposa Yoko, cando un admirador psicópata do ex Beatle acaba coa súa vida ao pegarlle catro tiros. (Hai 39 anos)
9 de decembro
1925
Morre en Madrid (España) Pablo Iglesias, fundador do Partido Socialista Obreiro Español (PSOE) e a Unión Xeral de Traballadores (UXT). (Hai 94 anos)
10 de decembro
1896
Falece en San Remo (Italia) o químico e industrial sueco Alfred Nobel, inventor da dinamita. Pensou que con armas poderosas as nacións vivirían en paz por temor ao seu uso. Deixa toda a súa fortuna á fundación que levará o seu nome. (Hai 123 anos)
11 de decembro
1831
Morre fusilado na malagueña praia de San Andrés (España), sen pronunciamento de causa e por unha orde de puño e letra do rei Fernando VII, xunto a outros compañeiros, o xeneral liberal José María Torrijos que se opuxo ao absolutismo. (Hai 188 anos)
12 de decembro
1921
No estado de Massachusetts (Estados Unidos), morre de cancro aos 53 anos de idade, a astrónoma estadounidense Henrietta Swan Leavitt. Nas estrelas variables das Nubes de Magallanes, atopou un patrón que pasara inadvertido descubrindo un tipo de estrela coñecido como cefeidas variables e a relación entre o período e a súa luminosidade. Esta relación proporcional utilizarase para medir as distancias de estrelas afastadas. Nas súas observacións tamén descubriu 2.400 novas @estrella variables e catro supernovas. A pesar de facer importantes descubrimentos no mundo da astronomía, sobre os que se construirá a concepción moderna do Universo, Henrietta é case descoñecida. (Hai 98 anos)
13 de decembro
1466
En Florencia (Italia), falece Donatello, escultor italiano que sen dúbida foi un dos creadores do auténtico estilo renacentista. O seu “David” de bronce e o tratamento que fixo dos relevos dentro dun mínimo plano son boa mostra da súa mestría. (Hai 553 anos)

Máis INFORMACIÓN EN : https://www.hechoshistoricos.es/html/hechoshistoricos0316.html