Hoxe tivo lugar o sorteo da segunda volta da Copa do Rei. Os 28 partidos dos que consta terán lugar os días 5, 6 e 7 de decembro de 2023.
O C.D. Arenteiro enfrontarase a un equipo de Segunda División, o Burgos C.F.
Os gañadores clasificaranse para a terceira rolda ou oitavos de final. Real Madrid, Barcelona, Atlético de Madrid e Osasuna aínda non participan porque xogarán a Supercopa de España de 2024 e comezarán a súa participación na Copa do Rei nos oitavos de final.
Serán eliminatorias a partido único que, de non resolverse aos 90 minutos, decidiranse na prórroga e, de ser o caso, na quenda de penaltis.