En colaboración co Servizo Provincial de Emerxencias e o Banco de Alimentos o Concello de San Cristovo de Cea e a Agrupación de Voluntarios de Protección Civil de San Cristovo de Cea, colaboran na Campaña de Recollida de Alimentos “Por un Nadal Feliz para todos”.
Se queres participar como colaborador sendo Punto de Recollida (panaderías, carnicerías, peixerías, supermercados, comercio en xeral…), contacta con calquera das entidades colaboradoras e enviaranche o cartel de “Punto de Recollida”.
A todos os demais, convidan á colaboración para, un ano máis, compartir con quen máis o precisa. Na campaña anterior entregáronse máis de 500 kg. de alimentos.
A Campaña de Recollida comezará o luns 16 de novembro, e farase a primeira entrega ao Banco de Alimentos o 20 de decembro e unha segunda entrega o 5 de xaneiro, data na que finalizará a Campaña.
