O comité clínico deu conta hoxe das medidas que entrarán en vigor o próximo sábado de madrugada. Pasan ó nivel alto de restricións Ourense cidade, Barbadás e O Barco. Este nivel supón o peche total do ocio nocturno e o peche do interior da hostalaría, que so poderá contar co 50% de aforo exterior.
O Carballiño e Ribadavia quedarán no nivel medio. Ribadavia xa estaba dende a pasada semana, e está en vixilancia. Neste nivel, a hostalaría terá un 30% de aforo interior e 75% de aforo exterior.
E para toda Galicia, os grupos en exteriores rebaixan o número de persoas das 15 ás 10 e o ocio nocturno esixirá certificado de vacinación ou PCR negativa.
