Representantes de distintas federacións territoriais coñecerán de preto o modelo de xestión de comedores escolares que realiza FAPA Ourense, que lle converteu en referente nacional
A Confederación Española de Asociacións de Pais e Nais do Alumnado ( CEAPA) celebrará esta fin de semana en Galicia a súa primeira Xunta Directiva do ano, con representación das federacións das comunidades autónomas, Ceuta e Melilla. O encontro, que conta coa colaboración directa de CONFAPA Galicia e FAPA Ourense, desenvolverase os días 14, 15 e 16 de xaneiro na cidade de Ourense.
Os membros da Xunta Directiva de CEAPA, encabezados pola súa presidenta, Leticia Cardeal, serán recibidos hoxe venres pola tarde polo alcalde de Ourense, Gonzalo Pérez Jácome, e o vicepresidente segundo da Deputación de Ourense, César Fernández, no Liceo de Ourense.
Antes da recepción, os asistentes aproveitarán para coñecer de forma directa o labor de FAPA As Burgas de Ourense como referente nacional na calidade do servizo de comedor e acollida escolar. Para iso, visitarán instalacións de comedores escolares
xestionados por FAPA Ourense e contarán coas explicacións do responsable de Control de Calidade de Alimentos, Agustín Ruiz Galnares, que lles achegará a experiencia da FAPA e o modelo de xestión de comedores levados a cabo nesa provincia.
A Xunta Directiva de CEAPA celebrarase mañá sábado pola mañá nun dos principais edificios históricos da cidade, o Liceo de Ourense. Tras a reunión, se han organizados dous talleres formativos dirixidos aos representantes das AMPA asistentes. O primeiro
titúlase ‘Aplicación da LOPD na contorna educativa e responsabilidades das AMPA’ e o segundo taller será ‘Formación para a xestión administrativa das AMPA’, impartidos respectivamente por Antonio Martín e Miguel Donas, vicepresidentes de CEAPA.
Tras os talleres formativos, os asistentes trasladaranse ao municipio de Castro
Caldelas, onde serán recibidos pola súa alcaldesa, Sara Inés Vega, que foi á súa vez presidenta de FAPA Ourense
