A Xunta adxudica por preto de 48,3 millóns de euros as obras de ampliación do Complexo Hospitalario de Ourense

A Consellería de Infraestruturas e Mobilidade prevé asinar o contrato a finais de febreiro co obxectivo de iniciar as obras despois. As actuacións terán un prazo de execución de 40 meses.

Estas intervencións prevén tres intervencións: a construción dun novo edificio de hospitalización no Complexo Hospitalario Universitario de Ourense, a reforma do actual Hospital Materno Infantil e a mellora de accesos.

AVANTAR ACTIVIDADES

Estas actuacións dotarán dunha área pediátrica con 38 camas, haberá dous vestiarios con duchas para pais, un comedor, un salón con xogos, unha Ciberaula con postos de informática, e salas de televisión e lectura. As instalacións tamén albergarán unha área de neonatoloxía, cunha UCI pediátrica, 5 unidades de parto e 2 quirófanos.

Ademais, as intervencións proxectadas posibilitarán a hospitalización obstétrica, con 56 camas; e a convencional, con 280 camas.