Organizado pola A.C.Avantar e coa colaboración do casino do Carballiño o xoves 19 de maio no salón de actos do Casino ás 20:30, terá lugar a presentación do libro-disco: Escolma imposible (e incorrecta),María do Ceo canta a Armando González.
María do Ceo, nada na cidade de Porto, é unha cantante de Fado e compositora Portuguesa, afincada na Galiza desde os sete anos, tempo no que emigrou coa familia a cidade de Ourense.
Portuguesa de nacemento e Galega pola súa identificación con esta terra na que vive. Desde o ano 1987 canta profesionalmente, numerosas colaboracións e premios cos que foi distinguida avalan a súa carreira artística. Ofreceu numerosas actuacións en concertos na Galiza, Portugal, Alemaña. Francia, Suíza, Italia, Arxentina …Da súa extensa discografía destacar algúns albumes como Cartas de amor, Fados e outras músicas, Dúas almas do Miño, No bico un cantar, Soños cumpridos, De Portugal a Galicia, A fadista …. cancións fermosas como Alecrin dourado, Lela, Da tempo ao tempo ou Malhao de San simao transpórtannos a un mundo de dozura e nostalxia, de maxia e de confluencia da Galiza e Portugal.
