Por segundo ano consecutivo, o IES Manuel Chamoso Lamas vén de conmemorar o día 25 de Novembro, día internacional contra a violencia de xénero, cun acto institucional no que participou toda a comunidade educativa. Tratouse dunha serie de actividades levadas a cabo no patio do instituto no que, ademais de lembrar a todas as víctimas de violencia de xénero deste ano, se amosaron os lazos feitos polos distintos grupos de todos os niveis educativos que ten o centro- Alumnado da ESO, Bacharelatos, Ciclos e ensinanza de adultos mostraron o seu lazo e leron o lema co que o titularon.
A continuación o alumnado de 4º de ESO fixo unha performance no que se visibilozou os distintos tipos de violencia que se poden dar ademais da física.
Especial atención tivo nesta ocasión a violencia vicaria, para a que, o grupo de teatro escenifocou o conto da Cincenta.
A continuación o alumnado de música realizou unha actuación musical para rematar o acto coa colocación dunha gran pancarta no que se pode ler: “ O comunicar abre a porta do cárcere no que vives. CONTA CONNOSCO “
Para a Dirección do IES Manuel Chamoso Lamas é fundamental seguir con este tipo de actos mentres non se remate por completo con esta plaga que temos como sociedade que é a violencia de Xénero.
