Tiruleque Grupo de Teatro representará os vindeiros 15 e 22 de xaneiro o espectáculo “Microtirulos”, catro pezas curtas que escenifican personaxes divertidos, ás 19.00 horas, no Auditorio Manuel María de Carballiño.
Comeza con “Reencarnación”, unha adaptación de Pepe Prada, sobre un imaxinario despacho celestial; “Raios e tronos” é un texto orixinal do actor tirulense Floro González; continuando con “Milhomes”, baseada en “Un home doente”, de Leandro Carré e adaptada tamén por Pepe Prada.
O espectáculo concluirá con “Morreu a tía María”, un texto orixinal de Pepe Prada, polo que recibiu o I Premio Platta de Teatro Breve – Galicia en 2019, editado pola Asociación Cultural Bambalinas en galego, castelán e portugués. Unha obra que comeza con bágoas e remata nunha pelexa dos herdeiros do falecido.
Unhas comedias para botar unhas risas.
