Na edición anterior participaron máis de 500 traballos, procedentes de 15 países
Ourense, 4 de maio de 2023.- A Deputación de Ourense ten aberto o prazo para participar na XVII edición do seu Certame de Artes Plásticas, que vai dirixido a creadores menores de 35 anos e que reparte un total de 12.000 euros en premios.
Os interesados en participar poden facelo cun máximo de dúas obras, poden empregar calquera técnica e tamén calquera modalidade; tanto pintura como escultura, gravado ou arte dixital. A participación realízase de modo online, a través da plataforma www.mundoarti.com e o prazo permanecerá aberto ate o día 11 de xuño.
O primeiro premio está dotado con 5.000 euros, o segundo con 3.000, o terceiro con 2.000 e hai dous accésits dotados con 1.000 euros cada un. O xurado avaliador estará integrado por cinco profesionais independentes do mundo das artes plásticas. Ademais dos premios en metálico, o xurado realizará unha selección de obras que conformarán una exposición -no vindeiro mes de setembro- co seu correspondente catálogo.
A finalidade deste certame é a de apoiar e potenciar o labor dos novos creadores cun carácter aberto ao internacional. Na última edición participaron máis de 500 traballos, procedentes de 15 países.
Tanto as bases íntegras como a presentación dos traballos pode realizarse na web www.mundoarti.com
