O Novo Cine de Leiro está de aniversario. Nada menos que 40 anos dende que abriu as súas portas e nos que se mantivo vivo, ofrecendo os estreos de cada semana para todos os públicos.
As súas portas abríronse en 1983 nunha vivenda unifamiliar e a súa historia está moi ligada á vida do seu propietario, Ernesto Romero. A súa paixón polo cine levouno a endebedarse para facer destes cines os primeiros en instalar o 3D. Na actualidade, este cine xunto co cine Gesma de Xinzo de Limia son os únicos que manteñen a proxección en 3D nas películas da súa carteleira na provincia de Ourense.
Para celebrar esta data, proxectarán un clásico de xeito gratuíto. Trátase da tan coñecida “Cinema Paradiso”. Poderase ver este domingo, día 28, en sesión ás 17:00 horas e ás 20:00 horas.
