O corredor do club Ciclista Os Mosqueteiros, Yago Souto, quedou terceiro na modalidade de 200 quilómetros na Epic Race de Pontevedra.
A Epic Race 200 de Pontevedra ten 200 km e 5.500 metros de desnivel positivo acumulado en formato sen parar. Un reto de BTT que demanda o mellor dos ciclistas. Os participantes afrontan un percorrido pola provincia de Pontevedra, durante todo o día e a noite, desafiando as montañas, acariciando as Rías Baixas e coñecendo os bosques máis antigos e as vilas máis pintorescas. Todo isto cun límite de 18 horas.
Yago completou os 200 quilómetros só en pouco máis de 11 horas, conseguindo a terceira posición na categoría individual de 200 quilómetros.
