II EDICIÓN COCHES CLÁSICOS NO IRIXO
Pola seguinte nota de prensa informamos da solicitude que fixo o grupo municipal do Bng de Leiro, no concello de Leiro, con data do 23 de xuño, polo que se solicitan melloras nas areas de baño e lecer para a campaña estival.
Rebeca Paz Vázquez como portavoz do grupo municipal do BNG no concello de Leiro, expoño que coa chegada da tempada estival, entendemos que hai que facilitar o baño e o lecer. A maioria das familias do noso concello non contan con piscina privada polo que o
concello debería preparar as zonas de baño e lecer a beira do río Avia. Ó noso entender non é suficiente o camión de area que se verteu esta semana na beira do río na área fluvial do Mexieiro.
Solicitamos a limpeza e desbroce das zonas de baño e lecer rapartidas polo noso concello, como son: Mexieiro, O Pociño, A Augas Quentes, A Ponte Sanclodio, Campo de San Antonio e a Área Recreativa.
Adecentamento da zona verde do Mexieiro que gran parte da súa extensión conta con calvas ou anacos secos. Dotación de papeleiras, e se estudie a instalación de aseos para os bañistas.
Mellora da entrada o río na área de baño do Pociño, cada vez máis complicada, sendo unha zona de baño perfecta para os cativos.
Apertura dos baños do salgueiral e o vestiarios da campo da festa, durante toda a tempada estival, ou cando menos o fin de semana, xa que non se conta con outro servizo deste tipo en todo o transcurso do paseo fluvial.
Esperamos que se teñan en conta estas propostas, e como xa vimos repetindo en diferentes ocasións se comece os trámites para conseguir o recoñecemento de praia fluvial da área de baño do Mexieiro.
XUNTANZA DE CLÁSICOS NO IRIXO
