O Depor Campus Cabreiroá, en colaboración ca Escola Deportiva Terras de Maside está en marcha toda esta semana. Este campus repite en Maside tralo éxito das edicións pasadas, e esta en concreto na que bateron un récord absoluto de participación, con máis de 60 nenos e mozos.
Durante as xornadas, todas de mañá, os adestradores coruñeses xogan e ensinan ós máis pequenos tácticas que poñen en práctica divididos por grupos de idade. Recibiron ademais a súa propia equipación como agasallo.
