Esta fin de semana Arnoia celebraba a 44ª Festa do Pemento, que se atopa baixo a Indicación Xeográfica Protexida, que certifica a produción da variedade do pemento “verdón longo”.
Servíronse preto de 3.000 quilos deste produto, en todas as súas variedades, entre elas o novidoso xeado de pemento.
Ademais, a Xunta está ultimando a Estratexia da horta galega co fin de consolidar a terceira produción máis importante do agro galego, entre a que estaría precisamente o produto que se enxalza.
O novo director de Turismo de Galicia, Xosé Merelles, estréase en tempada alta de festas gastronómicas e anunciou que o pemento traballa para ser Festa de Interese Turístico Nacional.
