Hoxe remataron os traballos de escavación da sexta campaña no Castro de Cameixa. Ademais de continuar cos traballos arqueolóxicos de investigación e rexistro deste xacemento arqueolóxico, tamén se realizarán labores de consolidación, restauración e acondicionamento das estruturas arqueolóxicas exhumadas de cara a súa conservación e posta en valor.
Posteriormente levarase a cabo a escavación con metodoloxía arqueolóxica dunha área entre os 80 e os 100 m2, sita no ángulo sueste do castro.
Están financiadas pola Consellería de Cultura, Educación, Formación Profesional e Universidades cunha achega de preto de 18.000 euros. Despois desta última visita, a intención da administración é a de seguir apostando por Cameixa.
