Hoxe veuse abaixo parte da estrutura da Capela de San Roque en Pazos de Arenteiro, a raíz das choivas. Entre o concello, o cura e os veciños encargáronse de retirar todo o que había no interior agás o retablo, para cuxas labores virá persoal especializado. Afortunadamente non hai que lamentar danos persoais.
Segundo o concello, os veciños están moi afectados, dado o valor emocional e relixioso deste espacio de orixe medieval. O concello vai apuntalar a estrutura e perimetrar a zona por motivos de seguridade e evitar máis derrumbes, e xunto co cura buscará a financiación necesaria para poder rehabilitar este elemento patrimonial do municipio de Boborás.