Éxito da selección galega de hapkido, integrada por deportistas ourensáns e carballiñeses, no campionato de España desta modalidade deportiva celebrado esta fin de semana en Sevilla
ACADARON 13 MEDALLAS E O TERCEIRO POSTO COMO SELECCIÓN
O Carballiño, 6 de novembro de 2023.- Os 24 deportistas carballiñeses e ourensáns que conformaron a Selección Galega de Hapkido no Campionato de España desta modalidade deportiva celebrado este sábado pasado en Sevilla colleitaron un rotundo éxito tras lograr o terceiro posto como selección e un total de 13 medallas: 3 ouros, 3 pratas e 7 bronces.
O mérito é ainda maior se se ten en conta que é a primeira vez que Galicia compite como selección de hapkido e o fai nun honorable terceiro posto tras Andalucía, que quedou en primeiro lugar, e Cataluña, que ocupou a segunda praza.
Deportistas carballiñeses da escola de Hapkido KYO HKD do ximnasio FUNFIT,
xunto con deportistas da escola de Hapkido do ximnasio SAM MU DOJANG da capital ourensá, conformaron por primeira vez a selección galega que acudiu a esta competición nacional e que escribiu un novo capítulo na historia do Hapkido en Galicia.
É importante resaltar que detrás de este éxito atópase o arduo traballo dos mestres, quenes dedicaron incansables horas de entrenamento para preparar ao seu talentoso equipo. Sen embargo, o recoñecemento tamén debe extenderse ás familias dos deportistas, cuxo apoio incondicional foi fundamental para chegar tan lonxe. Asemade, cómpre destacar o apoio da Federación Galega de Taekwondo (FGT) e, especialmente, do seu presidente, Juan Carlos Eiriz, cuxa contribución ao desenvolvemento do hapkido en Galicia foi fundamental para andar o camiño cara a esta nova aventura.
Trátase, en definitiva, non só dunha celebración do hapkido ourensán e galego, senón tamén dunha testemuña do poder do traballo en equipo e do respaldo da comunidade na búsqueda dun obxectivo común.
Este logro da selección de Galicia no Campionato de España de Hapkido é un motivo de orgullo para os deportistas e as súas familias, e debería servir como inspiración para animar a máis persoas a involucrarse nesta arte marcial tan descoñecida. O hapkido non só promove a forma física e a habilidade atlética, senón que tamén fomenta a disciplina, o respeto e a autoconfianza, polo que agardamos que este acontecemento sirva como acercamento a esta modalidade deportiva tan marabillosa.
