O vicepresidente primeiro e conselleiro de Presidencia, Xustiza e Deportes, Diego Calvo, acompañado pola directora xeral de Administración Local, Natalia Prieto, e o delegado territorial da Xunta en Ourense, Gabriel Alén, realizou unha visita institucional ao concello de Carballeda de Avia.
Aproveitaron esta visita para supervisar os traballos feitos en canto a eficiencia enerxética, e para falar de proxectos futuros.
O alcalde, Luis Milia, agradeceu a colaboración recibida por parte da Xunta de Galicia nos proxectos do centro educativo e do pavillón, que conta con novos vestiarios, cun orzamento para ambos proxectos que alcanzou os 300.000 euros.
