O vicepresidente segundo e deputado de Deportes, César Fernández, acompañado polo director desta área da Deputación, Marcos Vázquez Guzmán, recibiron esta mañá no Salón de Plenos do Pazo Prvincial ao equipo de elite do Club Ximnasia Pabellón, logo dos excelentes resultados que veñen de acadar no Campionato de España disputado en Pamplona.
O palmarés alcanzado por estes xóvenes deportistas ourensáns (de entre 6 e 14 anos) contempla un total de 8 ouros, 4 pratas e 3 bronces, destacando o primeiro posto na categoría de trampolín por equipos. O vicepresidente segundo da Deputación, César Fernández, transmitiulles os merecidos parabéns en nome de toda a provincia, “pois co voso traballo, esforzo e competitividade levades o nome de Ourense ao máis alto do deporte a nivel nacional”.
