O Club de Patinaxe Aehde do Carballiño organiza un dos eventos máis especiais da tempada. A cuarta edición do Trofeo Terras do Orcellón de grupos show de patinaxe artística que reunirá a 400 patinadores de toda Galicia pertencentes a 20 clubs, dous deles procedentes da Comunidade de Asturias.
Ademais das últimas competicións que pechan este intenso ano, este vindeiro domingo celebrará a súa gala de fin de curso.
Os mozos da escola amosarán todo o aprendido durante os meses de curso, que poñen fin neste mes de xuño.
Este evento, organizado para o desfrute das familias e da veciñanza, será este vindeiro domingo, ás 17:30 horas, no Pavillón Paco Chao do Carballiño.
