19 DE XULLO DE 2024
O Campionato Xunta de Galicia de Slalom afronta esta fin de semana (20 de xullo) a súa quinta proba puntuable, o Slalom de Moeche.
A cita coruñesa, que afronta a súa novena edición, modificará o percorrido sustancialmente con respecto ao pasado ano, nunha competición que se celebra íntegramente polas rúas da localidade.
Nesta ocasión son máis de 70 os equipos presentes nesta proba, xa asentada no certame e organizada pola Escudería Moeche.
En canto aos horarios, as verificacións técnicas e administrativas comezarán as 07:00 horas. As 09:30 horas da mañá dará comezo a competición coa primeira das mangas de adestramentos para a continuación celebrar a segunda delas, aproximadamente as 11:30 horas.
Logo do parón do mediodía chegará o turno para as mangas oficiais. A primeira delas comezará ás 16:00 horas e a segunda ás 19:00 horas.
A entrega de premios aos gañadores está marcada para as 22:30 horas.
