O Club Náutico Castrelo de Miño foi o anfitrión da Copa Deputación de Windsurf. Nico Blanco, logrou o campionato da súa categoría na Fórmula Florete. O club local tamén contou con Enar Cibreiro, a única rapaza en Formula Foil, así como con Hugo Azpilicueta, noveno en Techno 293.
Esta foi unha fin de semana con dobre xornada de competición que reflectiu o bo traballo que se está a facer dende o equipo do Club Náutico Castrelo de Miño, liderado por Simón Fernández. Está foi a décima edición deste evento e contan con seguir sumando. Un total de 40 participantes procedentes de toda Galicia déronse cita neste embalse, xa un emblema para as competicións deportivas.
