Ribadavia, 10 de agosto de 2024.- O pintor mallorquín afincado en Ourense, Leandro Sánchez, expón unha antoloxía da súa obra na igrexa da Madalena de Ribadavia. A exposición poderá visitarse ata o vindeiro 25 de agosto. Esta exposición ven a converterse nun atractivo cultural mais dentro do verán cultural do Concello de Ribadavia, e permitirá achegar á veciñanza de Ribadavia e aos moitos visitantes que se achegan a desfrutar desta preciosa vila a obra dun dos grandes nomes das artes plásticas ourensás contemporáneas.
O acto de inauguración da exposición, contou tamén coa participación da cantante María do Ceo, que puxo o complemento perfecto á magnífica obra pictórica de Leandro Sánchez.
