O Campionato Xunta de Galicia volve esta fin de semana (17 e 18 de agosto) coa celebración da quinta edición da Subida a Taboadela, que contará con 65 equipos na liña de saída.
Récord de inscritos na cita ourensá, que contará con prácticamente todos os favoritos ao triunfo final e as distintas agrupacións, nun certame que conta co patrocinio do World RX de Montalegre.
Parte como gran candidato a victoria, Jacobo Senín, que aos mandos da Nova Proto terá como principais rivais a Alexis Vieitez ou o ourensán Jesús López.
Entre os sempre espectaculares carcross, nova batalla entre Alfonso “Pisko” Ventín, Beni Porto e o ourensán Abrahán Vázquez, nunha categoría con dez participantes. Tamén estará nesta proba o becado da FGA, Mateo García, que ademáis estreará o patrocinio do World RX de Montalegre no seu LaBase.
Entre os carrozados, máxima emoción cos Porsche de Jorge Pérez e Javier Carballo, o Mitjet de Rubén Blanco ou a estrea en Galicia do Volkswagen Golf TCR de Francisco Javier Álvarez, ademáis de moitos outros vehículos de grande nivel.
En regularidade, cinco equipos inscritos, nunha categoría na que a emoción e a igualdade está máis que asegurada.
Con respecto aos horarios, as verificacións optativas comezarán hoxe venres 16 de agosto ás 18:30 horas, mentres que os que non pasen por este trámite deberán facelo os sábado entre as 09:00 e as 12:00 horas do mediodía.
A proba comezará o sábado 17 de agosto ás 15:00 horas coa celebración da primeira manga de adestramentos. A continuación terán lugar as dúas primeiras ascensións oficiais.
Xa na xornada do domingo 18 de agosto, dende as 09:00 horas, turno para a segunda das ascensións de adestramentos, coas dúas mangas oficiais restantes xusto a continuación.
A entrega de premios realizarase ao rematar a proba na Praza do Concello de Taboadela.
