O pasado venres, o centro ocupacional Aspadisi celebrou o seu tradicional magosto, unha ocasión especial na que participaron residentes, membros do centro e as súas familias, sumando un total de 90 persoas. A festa comezou cunha representación teatral creativa a cargo dos residentes titulada “Romeo e Julieta a lo Aspadisi”.
Despois do espectáculo, todos compartiron unha merenda que incluía empanada, pan con chourizo e, como non podía faltar nesta celebración, as castañas asadas, elemento esencial do magosto. A tarde concluíu cunha variedade de doces que fixeron as delicias de todos os presentes. Foi unha xornada chea de calidez, risas e tradición, que reforzou os lazos entre os residentes, as súas familias, traballadores e invitados a celebración
