Este sábado 30 de novembro o grupo de teatro aficionado Dar Trela de Carballiño representará a súa obra propia “Cabaret enxebre” no auditorio municipal. A entrada é de balde.
Trátase dunha proposta de cabaret contemporáneo, onde non existe un só espazo de interpretación senón que calquera recuncho da sala pode ser un lugar de expresión. O público funciona coma un personaxe máis que forma parte indispensable do show. Ritmo, musicalidade, velocidade, comedia, sensualidade e 13 ánimas espidas retratando a sociedade actual.
