O colectivo de artesáns e produtores locais tivo onte a oportunidade de ofrecer ao público un importante número de produtos no tradicional ‘Mercado de Nadal’ que promove o Concello de Maside e que mantivo os seus postos de venda na praza da Alameda da localidade, cun amplo horario que se extendeu dende as 12 do mediodía ata as 7 da tarde. Produtos de alimentación tales como queixos, embutidos e mel de elaboración propia; tecidos artesanais como luvas ou bufandas; abalorios do ‘Taller de Solidaridad’ que traballa con misioneros en países de África, América e Oceanía, entre outros, integraron a oferta.
A afluencia de visitantes a este mercado foi incrementándose cara a tarde, e as nenas e nenos alí presentes recibiron a visita de Papa Noel, que viña de percorrer varias parroquias do municipio para recoller as súas cartas de petición de agasallos, co obxectivo de cumprir as súas demandas na noite máxica do 24 de decembro.
