Raúl Sampedro e os seus dous fillos quedaron sen fogar a pasada Noiteboa despois de que un voraz incendio destruíse por completo a súa vivenda na aldea de San Pedro, en Castrelo de Miño. O sinistro, que se produciu durante unha das datas máis familiares do ano, deixou á familia nunha situación de extrema vulnerabilidade.
O Concello de Castrelo de Miño emitiu un comunicado no que lamenta profundamente o ocorrido e fai un chamamento á solidariedade dos veciños. No comunicado, ínstase á comunidade para colaborar mediante doazóns de roupa, alimentos, aveños básicos ou contribucións económicas para axudar á familia afectada a superar esta difícil situación.
O alcalde Avelino Pazos asegurou que se están xestionando recursos de emerxencia para ofrecer a Raúl Sampedro e os seus fillos un aloxamento temporal e cubrir as súas necesidades inmediatas. Así mesmo, o consistorio está a explorar todas as opcións para apoiar a reconstrución do seu fogar.
A solidariedade dos veciños de Castrelo de Miño foi sempre una das grandes fortalezas da comunidade, e espérase que, unha vez máis, respondan con xenerosidade e empatía #ante esta traxedia.
COMUNICADO
INFORMACIÓN DA TVG
https://www.g24.gal/-/ferido-no-incendio-dunha-vivenda-un-membro-do-ges-de-ribadavia
INFORMACIÓN DA VOZ DE GALICIA
