A Denominación de Orixe Ribeiro vén de recibir un total de 20 galardons no “VII Concurso Nacional de Vinos VinEspaña 2025”, que se celebrou os días 12 e 13 de febreiro durante a feira ‘Enomaq’ en Zaragoza. Na categoría de Vinos Blancos Tranquilos, os viños da D.O. Ribeiro foron premiados con catro Grandes Oros, cinco Oros e nove Platas. Asimesmo, neste certame resultou nomeado un destes Grandes Oros coma mellor viño nesta categoría. Por outra banda, levaron un Oro na modalidade de Vinos Tintos Tranquilos, ademais dunha Plata na categoría Variedades Minoritarias.
A presidenta do Consello Regulador da D.O. Ribeiro, Concha Iglesias, ante os excelentes resultados obtidos nesta nova edición do concurso, comentou, ao respecto, que isto “confirma o bó camiño que está a levar esta Denominación de Orixe, e que un dos nosos viños sexa considerado coma o mellor da categoría de brancos tranquilos comprácenos aínda máis”.
Este concurso de viños está integrado nos ‘Concursos Nacionais e Internacionais’ que patrocina a Unión Internacional de Enólogos (UIOE). A Federación Española de Enología busca a produción de viños de gran calidade, favorecer o seu coñecemento entre os consumidores, destacando os viños premiados e a riqueza vinícola do país. Asemade, tamén preténdese contribuír á expansión da cultura do viño e ao progreso do sector, fomentando o coñecemento vinícola, ao mesmo tempo que se reforza o prestixio e a confianza nos certames desta categoría.
Viños premiados da D.O. Ribeiro:
Modalidad Vinos Blancos Tranquilos
GRAN ORO
Adeus 2024 de Bodegas Campante SA Mejor vino en la categoría Blancos Tranquilos
A Telleira Godello 2024 de Bodegas Campante SA
Juan Míguez El Godello 2024 de Bodegas O Ventosela SL
Alter 2024 de Priorato de Razamonde
ORO
Seika 2023 de Ladeiras do Ribeiro
Gran Leiriña 2024 de Bodegas O Ventosela SL
Mourama 2024 de Adegas Pazo do Mar SL
Viña Reboreda 2024 de Bodegas Campante SA
Ramón do Casar Treixadura 2024 de Ramón do Casar
PLATA
Cantos de Meigas 2024 de Adegas Pazo do Mar SL
Terras do Castelo 2023 de Adegas Galegas
A Telleira Parcelas 2024 de Bodegas Campante SA
Ramón do Casar Nobre 2023 de Ramón do Casar
Catro Ferrados 2023 de Adega Catro Ferrados
Ramón do Casar Godello 2023 de Ramón do Casar
Ramón do Casar Varietal 2024 de Ramón do Casar
Flor de Elisa 2023 de Adega Dona Elisa SL
Son de Arrieiro 23/22/17 de Xulia Bande
Modalidad Vinos Tintos Tranquilos
ORO
Canción de Elisa 2023 de Adega Dona Elisa SL
Modalidad Vinos Variedades Minoritarias
PLATA
A Telleira Caíño Blanco 2022 de Bodegas Campante SA
