Boborás será o escenario do curso “A Psicoloxía do Deporte” que está organizado pola Universidad Nacional de Educación a Distancia (UNED), contando coa colaboración do Concello e da adega Pazo Tizón. A psicoloxía representa hoxe unha área de traballo onde os expertos teñen conseguido un lugar importante para o desenvolvemento da súa laboura, de xeito que xeraron estratexias , métodos e instrumentos propios, que, utilizados axeitadamente, conseguen unha mellora do rendemento, tanto en deportistas de élite coma noutros contextos como, por exemplo, no eido laboral, en casos nos que se pretende optimiza-lo rendemento das persoas e das organizacions.
Este curso terá lugar no Centro Sociocultural Manuel Chamoso Lamas de Boborás os días 28 e 29 de marzo, un total de 10 horas lectivas con dereito a obter 0,5 créditos ECTS, e pódese asistir presencialmente ou en liña, neste caso tanto en directo coma en diferido. Os ponentes serán Andrés López de la LLave Rodríguez, profesor titular de Psicoloxía da UNED, do departamento de Metodoloxía das Ciencias do Comportamento; María Carmen Pérez-Llantada Rueda, profesora titular de Psicoloxía e Metodoloxía das Ciencias do Comportamento da UNED; María del Pino Díaz Pereira, profesora titular do departamento de Didácticas Especiais-Facultade de Educación e Traballo Social, Campus de Ourense-Universidade de Vigo. e Millán Brea Castro, profesor asociado do departamento de Análise e Intervención Psicosocioeducativa – Universidade de Vigo.
O programa lectivo extenderase o venres, 28 de marzo, entre as 16,30 e as 21,00 horas, e, o sábado, día 29, comezará ás 9,30 e ramtará ás 18,00 horas. As inscricións poden efectuarse ao traverso de matrícula para estudantes e colexiados, e recoñeceranse 0,3 créditos ECTS para o alumnado da Universidade de Vigo. Os prezos serán de 45€ para a matrícula ordinaria e de 30€ para os estudantes da UNED, colexiados e estudantes doutros centros de ensino, e establécese un enlace para a matrícula online.
O curso vai dirixido a psicólogos, educadores, entrenadores e estudantes destas disciplinas, así como a deportistas en xeral. Ten coma obxectivos a aplicación apropiada do coñecemento psicolóxico, que axuda a optimizar o rendemento deportivo no eido do deporte de competición, e as posibilidades da actividade física e o deporte nos ámbetos da saúde, a educación, o lecer e o desenvolvemento persoal dos xoves deportistas. Asemade, tamén se pretende a formación especializada de psicólogos deportivos e profesionais no campo da actividade física e o deporte, a fin de que os alumnos adquiran unha formación avanzada mediante contidos moi aplicados.
