A Denominación de Orixe Ribeiro alzouse cun total de 17 premios (12 galardóns de ouro e cinco distincións de prata) no “XXIII Concurso Internacional de Viños Bacchus 2025”, celebrado do 31 de marzo ao 4 de abril en Madrid. Os 12 viños brancos merecedores dos premios do xurado en obter o ‘Bacchus de Ouro’ foron A Telleira Caíño Blanco 2022, A Telleira Godello 2024, Cunqueiro Terceiro Milenium 2023, Eduardo Bravo 2023, Eduardo Peña 2024, Eduardo Peña A Vista 2022, Gran Leiriña 2023, María Andrea 2024, Ramón do Casar Nobre 2023, Ramón do Casar Treixadura 2024, Ramón do Casar Varietal 2024 e Torre do Oliveiral Expresión 2024.
As marcas de branco A Telleira Parcelas 2024, Armán Leira Misenhora 2022, Catro Parroquias Godello 2024, Zapicos do Verea 2024 e o tinto Maleiga Lapso 2023 foron distinguidas cunha prata no certame. Más de 1.500 viños participaron na cata concurso organizada pola UEC (Unión Española de Catadores) ante un gran elenco de catadores profesionais, xornalistas especializados, catadores, enólogoes/enólogos, Masters of Wine e Masters of Sommelier internacionais en representación vinícola dos cinco continentes.
O certame ‘Bacchus’ é o único concurso internacional de viños en España que pertence na actualidade a VINOFED, a federación que integra aos máis reputados concursos a nivel mundial. A iso únese o feito de estar recoñecido pola Organización Internacional da Viña e o Viño (OIV) e o Ministerio de Agricultura, Alimentación e Medio Ambiente (MAGRAMA) de España. Tres organismos de prestixio que confirman a Bacchus como referente mundial.
