Hoxe, nunha pregunta do senador Francisco Fernández á ministra de Sanidade
O PP denuncia que os españois esperen 20 meses para acceder aos medicamentos innovadores
• O senador Francisco Fernández cualifica de “inaceptable que un paciente deba esperar dous anos, un tempo que triplica os 180 días establecidos pola directiva europea”
• Reprocha á ministra de Sanidade que mentres “no ano 2018 a espera por estes medicamentos era de 385 días, o pasado ano elevouse ata os 618 días”
• Esixe á ministra que cumpran co compromiso de achegar o 50% da Lei de Dependencia ás Comunidades Autónomas
27 de maio de 2025.-
• O senador do Grupo Parlamentario Popular, Francisco Fernández, cualifica de “inaceptable que os españois, durante o ano 2004, esperasen 20 meses, 618 días, para acceder aos medicamentos innovadores, un tempo que triplica os 180 días establecidos pola directiva europea”.
• Durante a sesión de control ao Goberno no Senado, o senador popular pregunta á ministra de Sanidade, Mónica García, se considera aceptable que un paciente deba esperar actualmente máis de dous anos para acceder a un medicamento innovador.
• Francisco Fernández repróchalle á ministra de Sanidade que mentres “no ano 2018 a espera por estes medicamentos era de 385 días, o pasado ano elevouse ata os 618 días”.
• Sinala que estes datos constan no informe elaborado por IQVIA, consultora independente, para a Federación Europea de Industria Farmacéutica, á vez que destaca que “o 52% dos medicamentos innovadores están financiados de forma limitada ou teñen restricións de uso”.
• Aínda que o senador popular recoñece que España financia o 71% dos medicamentos aprobados pola Axencia Europea de Medicamentos (EMA), remarca que “64 dos 123 medicamentos están sometidos a algún tipo de restrición de uso, moi por encima de países como Alemaña ou Italia”.
• Ademais, Francisco Fernández lembra as declaracións realizadas pola directora de Prestación Farmacéutica e Acceso de Farmaindustria, Isabel Pineros, quen asegurou que ‘financiar un medicamento con restricións con respecto á indicación terapéutica autorizada na ficha técnica por Europa, pode deixar fóra a moitos pacientes’.
• Asegura que “#ante os malos resultados obtidos en España, o Ministerio de Sanidade decide encargar o seu propio informe, rebaixando á metade os tempos de espera dos pacientes. Como o fai ministra?”, pregúntalle.
• Neste sentido, o senador popular por Ourense reprende a Mónica García por “cambiar as condicións do estudo, contabilizando agora os datos de fármacos en situacións especiais, é dicir, o acceso aos mesmos antes da súa autorización e da fixación do seu prezo e financiamento”.
• Para finalizar, Francisco Rodríguez esixe á ministra que cumpran co compromiso de achegar o 50% da Lei de Dependencia ás Comunidades Autónomas, tal e como se comprometeu a ministra María Jesús Montero hai un ano”.
