A conselleira de Vivenda e Planificación de Infraestruturas, María Martínez Allegue, mantivo hoxe unha reunión de traballo co alcalde de Leiro, Francisco José Fernández.
Nesta reunión, que tivo lugar esta mañá en San Caetano, a conselleira e o alcalde abordaron actuacións en materia de urbanismo e infraestruturas, de interese para este municipio. Tamén participou na xuntanza a directora territorial da Consellería en Ourense, Pilar Fernández León.
O Goberno galego continúa prestando apoio aos concellos para impulsar actuacións que contribúan a mellorar a calidade de vida dos cidadáns e a fixar poboación no rural.
