Profesores e profesoras do Colexio Plurilingüe Salesianos Ourense visitaron o pasado luns 30 de Xuño o Centro de Interpretación da Lagoa de Antela e a Exposición de pintura na Casa de Cultura de Sandiás.
Despóis dun saúdo do alcalde Felipe Traveso o coordinador da Casa da Lagoa, Pepe Gándara desenvolveu a visita guiada na Casa da Lagoa. Deu comezo cunha introducción ao Complexo Húmido da Limia/Antela e continou co visionado de tres pezas audiovisuais sobre diversos aspectos do humidal natural da Lagoa o humidal artificial das Areeiras e o patrimonio etnográfico do Concello de Sandiás. Fíxose referencia a Lagoa en xeral e as súas dimensións, análise de fotografías históricas, uso das barcas e os proxectos de desecación e concentración parcelaria. Tamén a Xeografía mítica ( os espazos e habitantes imaxinarios da Lagoa de Antela. Fíxose rápida referencia a diversas lendas e contos como o referido a Cidade de Antioquía). Despois de breves referencias ao folclkore, a etnografía e as economías perdidas da lagoa (comercio de ras, samesugas, ovos, peixes), por último tratáronse aspectos de Xeografía Cultural aplicados a Lagoa de Antela, facendo unha reflexión xeral sobre toponimia e pondo exemplos concretos de toponimia maior e menor da zona.
A continuación os profesores percorreron libremente varias salas da planta baixa e alta. Por último visitaron a sala de exposicións da casa de cultura disfrutando da exposición de pintura de Xosé Eladio e Rochi Nóvoa.
Moi satisfeitos quedamos na Casa da Lagoa e moitas grazas pola vosa visita esperando que fose de proveito. Esperamos que veñades noutras ocasións para ver polo miudo moitas máis cousas destes humidiais pois o que nos ten que contar a Lagoa de Antela da para moito máis.
