A localidade do Tellado, no municipio do Irixo, acolleu onte domingo a súa tradicional feira, que coincidíu coa ‘Festa do Cabalo’, coa participación de medio cento de xinetes procedentes de diferentes puntos da comarca e do resto de Galicia. A alcaldesa do Irixo, Rosa María Dalama, manifestou a súa satisfacción pola resposta acadada pola convocatoria.
A xornada abríase ás 10,00 da mañá cunha ruta a cabalo polos montes do Testeiro, e, o seu remate, os xinetes reuníronse nun xantar de confraternidade na carballeira do Tellado, cun menú integrado por empanada, pulpo á feira, carne ao caldeiro, postre, café e bebidas. Xa mediada a tarde, iniciábase a quenda dos concursos co percorrido de trote.
O festival equino completábase cos concursos de andadura chapeada e os dous de andadura serrada, éstes nas modalidades de menos e máis 1,5 de altura, que estaban dotados, respectivamente, con tres primeiros premios de 100, 75 e 50 euros, que foron entregados nun acto co que se clausurou a xornada deportiva.
