O salón de plenos do Concello do Carballiño acolleu esta mañá a entrega de certificados do obradoiro de emprego de operacións auxiliares de albanelaría de fábricas e cubertas coordinado por Carballiño, Boborás e Maside.
A xefa territorial de Emprego da Xunta de Galicia en Ourense, Marta Vázquez; o alcalde en funcións do Carballiño, José Castro; o alcalde de Maside, José Manuel Iglesias, e o tenente de alcalde de Boborás, Javier Vázquez, fixeron a entrega dos diplomas de formación ao alumnado participante.
Cabe destacar a elevada participación feminina, xa que 15 dos 20 integrantes do alumnado eran mulleres. Agora, tras finalizar o módulo formativo e realizar as prácticas correspondentes, comeza a etapa da busca de emprego. Nese sentido, José Castro desexoulles moita sorte e agradeceu o seu esforzo e traballo.
