O Concello de Carballeda de Avia ten programado para este curso 2025/2026 un obradoiro de costura creativa, que se vén desenvolvendo dende o pasado 7 de setembro e que está impartido por un técnico da empresa ‘Madejas Tejerlo’, e que ten lugar na sala multiusos da Casa do Concello, tódolos martes, de 16,00 a 18,00 horas.
O programa contempla diversas modalidades de confección, iniciándose en setembro con calceta e ganchillo, de xeito que todas aquelas persoas que desexen asistir poden elexir a súa preferida. Así, neste mes de outubro é a quenda do macramé, mentres para novembro e decembro está prevista xa a elaboración dunha bufanda de calceta e un revisteiro de ganchillo.
A confección dun cinturón de macramé en xaneiro; outro revisteiro de ganchillo, en febreiro, e un bordado ‘Bargello’ en marzo, son as apostas de traballo deste obradoiro, que rematará entre abril e maio cun proxecto libre que deberán elaborar os participantes.
As persoas interesadas en inscribirse, de xeito gratuíto, poden solicitar información no teléfono 988.487.000 ou enviar un whatsap ao 649.234.745, indicando actividade preferidad, nome, apelidos e número de identificación.
