COMUNICADO DO Consello Regulador da IXP Pan de Cea:
Relevo na presidencia do Consello Regulador da IXP Pan de Cea.
O pasado 9 de outubro, Carlos Manuel Rodríguez, presidente da CRIXP Pan de Cea presentaba a súa renuncia por motivos persoais.
Carlos Manuel Rodríguez foi ata o día de hoxe o primeiro e único presidente do Consello Regulador, desde a súa creación no ano 2004, ocupando anteriormente a presidencia da Asociación de Panadeiros de Cea. Multitude de logros e horas e horas adicadas a promoción e a divulgación do Pan de Cea. Todo un referente no mundo alimentario de Galicia. Alma da organización da Festa do Pan, e alma dun Consello Regulador que medrou ata conseguir obxetivos impensables.
Carlos poñíase a disposición da nova presidencia para a súa axuda en todo o que fose preciso e despediase animando a seguir traballando a favor do Pan de Cea a todos os membros do Consello Regulador.
Hoxe, 6 de novembro, en pleno extraordinario, coa presenza de D. Ricardo Rivas, representante da administración e D. Ricardo Losada, secretario do CRIXP Pan de Cea, tomaba posesión como vocal Modesto Gómez, de Forno do Lodairo, e o pleno propoñía como Presidente a D. Juan Luis Calviño Testa (ata agora vicepresidente) e a Dona María José Reboredo Ferradás como vicepresidente (ata agora vocal).
A falta do nomeamento oficial pola Conselleira de Medio Rural, D. Juan Luis Calviño Testa é Presidente en funcións do Consello Regulador da IXP Pan de Cea.
Agardamos que sexa fructífera está nova etapa chea de éxitos e consecucións en favor do Pan de Cea.
OS MELLORES ESTABLECEMENTOS
