ORDE do 13 de novembro de 2025 pola que se nomean Juan Luis Calviño Testa e María José Reboredo Ferradás presidente e vicepresidenta, respectivamente, do Consello Regulador da Indicación Xeográfica Protexida Pan de Cea.
Mediante a Orde do 14 de marzo de 2023, da Consellería do Medio Rural, nomeáronse Carlos Manuel Rodríguez Rodríguez e Juan Luis Calviño Testa presidente e vicepresidente, respectivamente, do Consello Regulador da Indicación Xeográfica Protexida Pan de Cea.
O día 9 de outubro, Carlos Manuel Rodríguez Rodríguez presentou ante o Consello Regulador a renuncia ao seu cargo e desencadeouse así o procedemento para a súa substitución, que se recolle no Decreto 4/2007, do 18 de xaneiro, polo que se regulan as denominacións
xeográficas de calidade do sector alimentario e os seus consellos reguladores.
Na reunión do Pleno do Consello Regulador que se desenvolveu o día 6 deste mes de novembro, acordouse elixir a Juan Luis Calviño Testa presidente deste organismo. Ao quedar así vacante a vicepresidencia, nun pleno realizado a continuación acordouse elixir a María
José Reboredo Ferradás, vogal do Consello Regulador, para ocupar a vicepresidencia.
Por todo isto, de acordo co establecido no Decreto 4/2007, do 18 de xaneiro,
DISPOÑO:
Artigo único. Nomeamento do presidente e da vicepresidenta do Consello Regulador da Indicación Xeográfica Protexida Pan de Cea
- Noméase Juan Luis Calviño Testa presidente do Consello Regulador da Indicación Xeográfica Protexida Pan de Cea.
- Noméase María José Reboredo Ferradás vicepresidenta do Consello Regulador da Indicación Xeográfica Protexida Pan de Cea.
OS MELLORES ESTABLECEMENTOS
