Ourense, [14/1/2025] – O sacerdote e arquitecto Ramiro Lamas Vázquez-Gulías faleceu no Hospital de Ourense na véspera do seu 82º cumpleanos, tras unha longa enfermidade que o afastou do seu ministerio na parroquia de Santa María de Castrelos (diocese de Tui-Vigo) durante o último ano.
- Velorio: Tanatorio de Magros.
- Misa Exequial: Xoves, 15 de xaneiro, ás 16:00 horas na igrexa parroquial de Santa María de Beariz (Ourense). Posterior inhumación no panteón familiar do cemiterio da devandita parroquia.
- Misa polo seu eterno descanso: Venres, 16 de xaneiro, ás 16:00 horas na parroquia de Santa María de Castrelos (Vigo).
Unha vida dual: da arquitectura ao sacerdocio
Nacido en Beariz (Ourense) en 1944, Ramiro Lamas desenvolveu unha destacada carreira profesional en Panamá, onde se titulou como arquitecto urbanista. A súa traxectoria incluíu a presidencia do Colexio de Arquitectos de Panamá, a xefatura de proxectos nunha firma norteamericana e a obtención do premio ás mellores obras públicas (1973). Destacou polo seu compromiso social, deseñando un plan de vivendas para persoas sen recursos en Latinoamérica.
De regreso a Galicia, deixou un importante legado arquitectónico con obras como vivendas unifamiliares, hoteis, centros de saúde e edificios institucionais. Dentro da diocese, realizou proxectos como o salón de actos do Seminario Maior de Vigo e diversas reformas parroquiais.
En 1990 foi elixido Presidente do Club Deportivo Ourense e durante o pontificado nesa cidade do bispo Diéguez Reboredo manifestoulle o seu desexo de facerse sacerdote. Por iso cando foi trasladado a diocese de Tui-Vigo o citado Bispo, convidaríalle a iniciar os estudos eclesiásticos no Seminario Maior de Vigo, que concluiría cando xa contaba 59 anos, sendo ordenado sacerdote na cidade de Tui (2003).
OS MELLORES ESTABLECEMENTOS
Desenvolveu o seu ministerio durante 23 anos en varias parroquias, sendo párroco de Castrelos desde 2013 ata 2025. Home polifacético, en 2021 presentou unha notable exposición de acuarelas dedicada a personaxes históricos e aos seus proxectos persoais.
Ramiro Lamas deixa o recordo dun profesional brillante e un pastor entregado, cuxa vida puenteó dúas vocacións de servizo á comunidade.
