O prazo límite para poder utilizar os bonos de desconto da campaña de Nadal ‘O Carballiño Contigo!’ remata o vindeiro martes, 20 de xaneito, según veñen de lembrar dende o Centro Comercial Aberto (CCA) do Carballiño. “Estes son os últimos días para canxear os bonos, non deixes de aproveitar esta oportunidade para apoiar o comercio local, achégate aos establecementos adheridos á campaña e goza das túas compras antes de que remate o prazo”, lembra Noelia Mares, xerente da entidade comercial.
A Área de Comercio e Emprego do Concello do Carballiño activou o pasado 18 de decembro estes bonos de desconto, orientados a incentivar as compras de Nadal nos establecementos da vila e que supuxeron un investimento de 20.000 euros, coa emisión dun total de 1.000 bonos, de 50 euros cada un, dos que 30 debían ser aportados polo propio usuario.
A resposta ante esta convocatoria foi moi satisfactoria, xa que o mesmo 24 de decembro, Día de Noiteboa, a totalidade dos bonos xa fora descargado pola veciñanza interesada en participar nesta oferta de descontos no comercio local.
Según as valoracións do propio CCA, este tipo de campañas otorgan un meirande poder de compra e maís satisfacción para os clientes e supoñen un maior fluxo de vendas para os comerciantes, ademais de fortalecer a fidelización da clientela da comarca do Carballiño.
