Malia consentir a amplitude do problema, BNG, PP e DO votan contra o acorro económico provincial aos profesionais do sector. A iniciativa foi presentada por representantes do sector da castaña, subliñando as causas certas das ruíns colleitas e a urxencia de adoptar medidas para paliar o seu impacto socioeconómico no oriental ourensán.
Co voto favorable do resto de formacións, o Grupo Provincial Socialista tamén sacou adiante unha moción para instar á Xunta á “execución completa e integral” dos tramos que restan na Ronda Leste A52-A76 para a mellora da conexión entre o Polígono Industrial de San Cibrao e o Parque Tecnolóxico coa autovía das Rías Baixas.
Ourense, 27 de outubro de 2023. O Grupo Provincial Socialista chamou a atención do Pleno da Deputación sobre a “dramática situación” que atravesa o sector da castaña do oriental ourensán, reclamando axudas directas para os damnificados. Diante dunha representación de produtores, almacenistas, empresas de coidados e de transformación do sector, José Manuel Guerra, presidente da Asociación da Castaña da Gudiña, presentou o dramático estado de cousas e urxencias ás que se ven confrontados. Guerra expuxo como as malas colleitas durante a última década estiveron motivadas por factores como a seca, a antracnosis ou a avispilla, implicando minguas significativas no volume de produción de arredor dun 80% e esganando a calidade do produto.
O presidente da Asociación da castaña da Gudiña abondou nas “fondas implicacións socioeconómicas da dramática situación que atravesan os soutos para os diferentes actores do sector“, reclamando que os poderes públicos dispoñan das medidas oportunas para manter as condicións da relevancia de tan singular produto no oriental ourensán. Para a deputada socialista, Marina Vaz, “a produción de castañas é un recurso fundamental para as comarcas da montaña de Ourense, nomeadamente afectadas polo despoboamento e abandono rural, onde a castaña supón unha importante inxección económica para cooperativas e empresas, pero tamén coma complemento ás rendas das familias e pensionistas do rural“.
“Queremos que esta institución se poña abertamente do lado do sector da castaña para garantir o futuro da actividade e que inste á Consellería de Medio Rural á aceleración da posta en marcha dun auténtico plan integral para a revitalización dos nosos castiñeiros“, sostivo Vaz, quen evocou a sucesión de enveses e “enganos” da Deputación de Ourense, coma o denominado “Proxecto Castaña”, cando con Fondos Europeos se anunciou a plantación de 40.000 árbores para producir anualmente 1.500 toneladas de castaña, sendo o resultado un rastro de exemplares mortos e museos e centros de investigación pechados. “Pero o máis urxente pasa por socorrer no curto prazo aos actores máis vulnerables pola caída no volume das colleitas“, defendeu Vaz. Mal consentir a amplitude do problema, PP, BNG e DO votaron contra calquera axuda directas ao sector.
Contra a desidia da Xunta en Ourense
Co voto favorable do resto de formacións, o Grupo Provincial Socialista sacou adiante unha moción para instar á Xunta á “execución completa e integral” dos tramos que restan na Ronda Leste A52-A76 para a mellora da conexión entre o Polígono Industrial de San Cibrao e o Parque Tecnolóxico coa autovía das Rías Baixas. Tal e como subliñou o voceiro socialista, Álvaro Vila, “o que se fixo foi unha falsa conexión entre os polígonos e a autovía, que non supuxo melloras cuantitativas nin cualitativas na competitividade das empresas e a mobilidade dos empregados e visitantes da área industrial“. “Como resultado desta actuación incompleta, proseguiu Vila, non se puxo fin á histórica marxinación do Polígono de San Cibrao que carece dunha vía de alta capacidade de acceso directo ata aos seus 4 millóns de metros cadrados de superficie desde a autovía das Rías Baixas“.
Para o Grupo Provincial Socialista o desleixo do proxecto da Ronda Leste A52-A76 representa “un novo exemplo de desidia da Xunta de Galicia en Ourense“, representando un “agravio comparativo” con respecto a outras partes do territorio. A paralizada Ronda Leste A52-A76 forma parte do “plan sectorial da rede viaria de Ourense e a súa área de influencia”, que foi aprobado polo goberno autonómico en 2013, sendo presidente Alberto Núñez Feijóo. Os tramos restantes do proxecto, que son os que circunvalan o Polígono de San Cibrao e o Parque Tecnolóxico de Galicia creando os novos accesos, están parados desde hai moitos meses. “A nosa iniciativa, que recibiu o apoio do resto de grupos, non fai senón recoller os laios de empresas, transportistas e traballadores que reivindican a reactivación do proxecto da Xunta a prol dunha conexión real“, salientou Vila.
