· A presidenta do congreso, Rosa Quintana, explicou que para a elección do lema tívose en conta o xeito de entender a política do único candidato á presidencia do PPdeOU, Luis Menor, posto que a frase implica inconformismo e “sempre á procura da mellora e de solucións ás cambiantes necesidades das xentes de Ourense”
1, xullo, 2024. “Construíndo un Ourense da xente” é o lema do 19º Congreso provincial extraordinario do PP, segundo a proposta realizada hoxe pola Comisión Organizadora do conclave que se celebrará o próximo 13 de xullo.
A presidenta do congreso, Rosa Quintana, explicou que para a elección do lema tívose en conta o xeito de entender a política do único candidato á presidencia do PPdeOU, Luis Menor. Así, dixo, “construíndo” implica inconformismo, “sempre á procura da mellora e de solucións ás cambiantes necesidades das xentes de Ourense”.
Quintana engadiu que este lema encaixa tamén co desexo do candidato de facer un congreso “para a xente, aberto a todos os militantes e simpatizantes”, reeditando tamén o espectacular mitin de peche das eleccións autonómicas no pavillón dos Remedios, con preto de 5.000 persoas.
Na reunión de hoxe tamén se pechou o proceso de designación de compromisarios, incluíndo a redistribución de prazas segundo o criterio de proximidade territorial, logo de que o pasado venres, día 28, rematará o prazo de inscrición para os militantes que quixeran participar como representantes da militancia no congreso.
