A aparición, esta mañá, dun rebaño de vacas na estrada N-541 (Ourense-Pontevedra) nas inmediacións do alto do Paraño voltou a poñer en perigo a varios automovilistas, que se viron na obriga de sortear e, nalgún caso, deter os seus vehículos, ante a imposibilidade de circular con seguridade. A presenza de gando vacún, coma neste caso, ou cabalar, é habitual neste tramo da estrada que atravesa a localidade do Regueiro, pertencente ao municipio de Boborás, xa que a práctica da gandeiría extensiva é tradicional nesta contorna montañosa.
O rebaño de vacún de raza marela adentrouse na calzada da N-541 ao fío das 8,30 horas desta mañá causando interrupcións momentáneas do tráfico rodado ata que as cabezas de gando decidiron situarse nos arcens da vía, permitindo o paso dos vehículos.
Según a testemuña dun veciño do Regueiro, as vacas están perfectamente identificadas polos crotais que portan nas orellas, e a súa procedencia podería situarse na zona da Serra do Testeiro, no límite entre os concellos do Irixo e Lalín. “Aproveitan as pistas forestais e os cortalumes para desprazarse grandes distancias, e por iso chegan ata aquí”, apuntou o mesmo veciño.
Hai precisamente uns días, un vehículo que circulaba por este tramo da estrada chocou cunha vaca, e se ben o conductor non sufríu feridas graves, o animal falece a causo do impacto e o automóbil quedou completamente destrozado, e tra-la denuncia correspondente, o propietario do gando deberá responder dos danos.
