Unha das áreas de lecer do municipio de Boborás foi obxecto de actos vandálicos nestes últimos días, concretamente, o parque de xogos infantís ubicado na localidade de Brués. Varios elementos dos columpios alí instalados foron arrancados, dando a impresión de que a madeira fose roída por algún tipo de besta.
A alcaldesa de Boborás, Patricia Torres, subliñou que “é unha pena que haxa ‘xabaríns humanos’ (e aínda son fina definíndoos) que se adiquen a destruir o que é de todos”. Engadíu que “iste é un dos moitos parques que temos no concello de Boborás, renovado e cambiado de sitio á petición dos veciños, e agora quedará precintado”.
Torres lamentou estes desagradables feitos, xa que a reparación dos danos resultantes terán que ser sufragada por toda a veciñanza de Boborás.
