Por Resolución da Alcaldía do 26.11.2025, apróbanse as seguintes bases: Bases reguladoras de subvencións ao ensino do Concello de San Amaro Obxecto da convocatoria
O obxecto das presentes bases é regular a concesión de axudas destinadas a favorecer a es-colarización pública, a través do cofinanciamento de libros, material escolar ou outros gastos de carácter social dos alumnos que cursen educación infantil e primaria.
Destino das axudas
As axudas estarán destinadas á adquisición de libros de texto, material escolar ou calquera gasto de tipo social para o alumno (roupa e calzado básico para o colexio, material para actividades edu-cativas básicas, equipamento básico necesario para a asistencia ao centro…)
Destinatarios/as e requisitos
Para ser beneficiario destas axudas é preciso cumprir os seguintes requisitos.
- Cursar estudos de primaria ou infantil no centro CEIP, Lansbricae de San Amaro.
- Estar empadroado/a no Concello de San Amaro, no momento de presentación da solicitude ou estar matriculado no CEIP Lansbricae.
- Estar ao corrente coa AEAT, a ATRIGA e a Seguridade Social.
- Cumprir os requisitos para obter a condición de beneficiario/a, recollidos no artigo 13 da Lei 38/2003, do 17 de novembro, xeral de subvencións, e no artigo 10 da Lei 9/2007, do 13 de xuño, de subvención de Galicia.
Solicitudes e documentación necesaria
- As axudas serán solicitadas polos representantes legais do alumnado: os pais/nais, titores, representantes legais.
- As solicitudes das axudas formalizaranse no modelo normalizado que se inclúe como anexo, e poderá así mesmo obterse nas oficinas xerais do Concello de San Amaro, ou ben a través da sede electrónica https://sanamaro.sedelectronica.gal.
- Xunto coa solicitude debidamente cuberta, presentarase a seguinte documentación:
- Fotocopia do DNI do solicitante (pai, nai, titor legal, ou representante legal do menor)
- Fotocopia do Libro de Familia
- Declaración de estar ao corrente coa AEAT, a ATRIGA e a Seguridade Social.
- Declaración de non estar incurso/a nas prohibición do artigo 10 da Lei 9/2007, de subvencións de Galicia.
- Xustificante da matrícula, presentando un informe do centro escolar.
- Factura da adquisición de libros de texto, material escolar ou gasto social.
- Certificado do número de conta IBAN no que se desexe recibir o ingreso. Lugar e prazo de presentación
A solicitude poderase presentar nalgún dos seguintes lugares:
- Na sede electrónica do Concello de San Amaro https://sanamaro.sedelectronica.gal
- No Rexistro Xeral do Concello de San Amaro, de luns a venres, en horario de 09.00 a 14.00 horas.
- En calquera dos lugares que determina o artigo 16.4 da Lei 39/2015, do 1 de outubro, do pro-cedemento administrativo común das administracións públicas.
- O prazo de presentación de solicitudes será de cinco días hábiles contados a partir do seguinte á publicación no Boletín Oficial da Provincia.
Contía das axudas
Os importes máximos a aboar por alumno serán:
- Educación primaria: 100 euros.
- Educación infantil: 150 euros. Crédito orzamentario
O importe total para as axudas ao ensino provese en 6.000,00 euros, imputados á aplicación orzamentaria 326.48.
Adicional: para o non previsto nas presentes bases será de aplicación a Lei 9/2007, de sub-vencións, xa citada.
OS MELLORES ESTABLECEMENTOS
