A Deputación de Ourense vén de aprobar na Xunta de Goberno do 23 de marzo un paquete de investimentos que supera os 423.800 euros, destinados a melloras en infraestruturas, saneamento, eficiencia enerxética e equipamentos municipais. Estas axudas enmárcanse na liña de cooperación cos concellos e cohesión territorial impulsada polo presidente provincial, Luis Menor.
Dos once concellos beneficiarios, destacan os de Beariz, Boborás, Castrelo de Miño, Cortegada e O Irixo, que xunto cos restantes (Cualedro, Lobeira, Montederramo, Riós, San Cibrao das Viñas e Vilar de Barrio) e a Mancomunidade Voluntaria de Municipios da Comarca de Ourense, verán reforzadas as súas capacidades para executar proxectos que inciden directamente na calidade de vida da veciñanza.
OS MELLORES ESTABLECEMENTOS
As actuacións aprobadas inclúen desde a mellora de camiños e viarios municipais ata intervencións en saneamento, abastecemento, alumeado público e eficiencia enerxética, así como investimentos en equipamentos e servizos locais.
Coincidindo coa rolda de prensa posterior á sesión da Xunta de Goberno, Luis Menor salientou que a institución provincial continúa a avanzar no seu compromiso cos concellos, especialmente cos de menor tamaño, facilitando a execución de proxectos que contribúen ao desenvolvemento equilibrado do territorio.
