A paraxe natural de A Queixeira acollerá este vindeiro sábado, 6 de xuño, a sexta edición do “Serán D’Arnoia”, organizado polo grupo de gaitas e danzas Airiños de Arnoia e no que se reunirá un bó fato de agrupacións folclóricas da provincia de Ourense.
O evento comezará ás 19,00 horas como ‘Miniserán’ e terá continuidade unha hora máis tarde co programa do ‘Serán’, no que está prevista a participación de Fuscalla IES O Ribeiro, Pandereteiras Celavella, Velaí Vai, Banda de Gaitas do Carballiño, Faíscas-Lumieira, Banda de Gaitas de Celanova, O Castriño de Rebordechán, Castreliñas, Porfinfoi da A.C. Rebulir, Ozocoreteiras, Ferreñas do Ribeiro, Rebulideiras da A.C. Rebulir, Feitizo de Pau e Biruxes.
A organización anuncia a celebración de sorteos e a instalación dunha pulpeira no recinto da Queixeira.
