NOTA INFORMATIVA DO CONCELLO DE BOBORÁS
Incendio activo na parroquia de Moreiras
Desde o Concello de Boborás informamos de que permanece activo un incendio na parroquia de Moreiras, na zona entre O Gabián e Becoña, iniciado na noite de onte.
Desde a Consellería acábannos de comunicar a chegada de medios aéreos para apoiar os traballos de extinción, xa que a zona é complicada e o terreo dificulta a actuación unicamente con medios terrestres.
Nestes momentos, segundo a información dispoñible, o incendio non está preto das vivendas nin dos núcleos de poboación, pero desde o Concello seguimos moi pendentes da súa evolución.
Desde o Concello pídese á poboación que non se achegue á zona para non dificultar o traballo dos equipos de emerxencia e extinción.
Iremos informando de calquera novidade relevante.
OS MELLORES ESTABLECEMENTOS
Concello de Boborás
